Cabo Verde One 2000

Bana

Compositor: Não Disponível

Es vida ta kmá un naviu sen rum i sen distin
Vida di kriol é navegá nes mar sen fin
Nun viája sen rum, nun viája ruin
Nun viája sen grasa i sen ligria de navegador

Nos vida foi sénpri asin nes mar so di amargura
Un vida na balansa sen kontrapes é un kriatura
Pezá-l un dia, pezá-l mansin
Da-l se ligria, lenbrá kmá el é sofredor

Ó, munde, si algun dia bo muda di rum
Muda-l konsiénsa, muda-l justisa
Troka di naviu, ma tanbê tripulason
Troka-l ke pasiénsa, troka-l ke razon

Si vivê é un misan, si vivê é kunpri distin
Já-l kunpri di-seu, góra falta-l é so morrê
Já-l kre txorá, já-l kre so gritá
Gritá ke tude forsa, gritá ke tude se sofrimente
Es munde é un munde ingróte
Munde triste, ó ke munte maldade
Un munde de fulia, un munde de tristéza i sen ligria
Un munde sen pas, un munde so de tormente
Es munde d'agóra ka konxê un sentimente

Ó, sol sob Kabverde, sol d'ón 2000
Lenbrá di nha térra, lenbrá di se jente
Spaiá bos ráis, ma spaiá-s ke más aligria
Spaiá-s ke tude forsa, ma pa tude jente!